-
Ni ubwoko butura butura ukwabwo (un peuple qui a sa demeure à part) ;
-
Ni ubwoko butazabarwa mumahanga (qui ne fait point partie des nations).
Aha, Balamu ndibutsa ko yari umuhanuzi w’Imana kandi uyumvira. Umurongo wa 12 : « Ibyo Uwiteka ashyize mukanwa kanjye, sinkwiriye kwirinda akaba aribyo mvuga ? ».
Icyampa uyu munsi ngo kuva uyu munsi, twirinde tuvuge ibyo Uwiteka adushyize mukanwa gusa. Balaki byaramubabaje, uko bizababaza abanyamahanga batuzengurutse ariko dukomerere ku Imana yacu tuvuge ibyo idushyize mukanwa.
Ni ubwoko butura ukwabwo ?Mbese, nshuti muvandimwe nawe niko umeze ? cyangwa usanga aho abanyamahanga batuye ukahatura ?Uko gutura kumvikane neza kuko ahari kwaba gukorana nabo maze itandukaniro ry’ubwoko bw’Imana nabo rikabura.Abo mwigana bakubona gute ?Umugabo abone gute umugore cyangwa se umugore abona gute umugabo ?Abaririmbana muri chorale ? abo mubana muri anciant ? muri diaconat ?abo musengana bakubona gute ?ko witandukanije n’amahanga cyangwa ko wifatanije nabo ?
« Ni ubwoko butandukanye nandi mahanga », None se kuri njye nawe mwana wa Data, bite ? mbese witandukanije n’andi mahanga?
Dore abanyamahanga baragura bakagurisha ku Isabato, mbese natwe tukabikora ? Dore abanyamahanga bagira amatiku n’inzangano, mbese natwe ni uko ? Dore abanyamahanaga baranywa inzoga, utubyiniro sinakubwira, mbese natwe turiyo ?Ayiii
Aya magambo Imana yashyize muri Balamu, Yesu ubwo yari ku isi yayagarutseho agaragaza icyo ubwoko bwe aricyo :
Matayo 5 :13-16 :
-
Muri umunyu w’isi : Uburyohe, kurinda kubora, etc.
-
Muri umucyo w’isi : Kumurika, kurinda abantu gusitara ; itara ryatwikirijwe intonga ntakamaro ;
-
Muri umudugudu wubatswe mumpinga y’umusozi utabasha kwihisha.
Nonese muvandimwe hari akaryohe kakiturimo ?abanyamahanga bifuza ko tubana nabo kubera imirimo yacu myiza ? Nonese turi amatabaza yaka ? cyangwa twarazimye aho kuzana urumuri tuzana umwotsi utuma baduhunga ? Mbese niba uri itabaza ryaka uri aho ugomba kuba uri ?
Abamera Yesu, bakemera kuyoborwa n’Umwuka Wera yabahaye ubushobozi bwo kuba abana b’Imana, nonese andi mahanga (abandi) tubarusha iki ?
Abaroma 3 :1-4 : « Ni uko abayuda barusha abandi iki ?cyangwa se gukebwa kumaze iki ?abayuda babarusha muburyo bwose. Iryambere, ni uko babikijwe ibyavuzwe n’Imana. Mbese ye, niba bamwe muribo batizeye kutizera kwabo kwihindura ubusa gukiranuka kw’Imana ?Ntibishoboka ! Ahubwo Imana iboneke ko ari inyangamugayo, nubwo umuntu wese yaba umubeshyi nk’uko byanditswe ngo mumagambo yawe uboneke ko ukiranuka, kugirango utsinde nucirwa urubanza »
« Twabikijwe ibyavuzwe n’Imana »
Mbese muvandimwe, wiyumvamo ko wabikijwe ibyavuzwe n’Imana ? Leta z’isi zirinda archives zazo, ndetse hari izitarebwamo mbere y’imyaka ijana, mbese ko tubifite twabibikijwe aho turabigenzura ?
Ezira 9 :1-2 : Abisraeli, abatambyi n’abalewi ntibitandukanije n’abanyamahanga, ahubwo bakora ibizira byabo… Mbega akaga !! Kuitandukanya ntakindi bizana uretse kuzana kurirura ibyo Imana zazirirje ngicyo ikidukozeho ariko kandi ntitwakibuza keretse twitandukanije n’abadutera tubikora.
Umurongo wa 3 : Ezira abyumvishe ashishimura imyambaro ye : ngiyo inyifato y’ubwoko bw’Imana. Mbese iyo mwumvishe cyangwa se ubonye mwene so wananiwe kwitandukanya n’abanyamahanga bigenda bite ?
Umurongo wa 6 : Ezira atangira gusenga : ngiyo inyifato y’uwitandukanije n’abanyamahanga : Ayii, Mana yanjye nkozwe n’isoni, ndamwaye kuburyo ntabasha kubura amaso ngo nkurebe, ibyaha byacu bikomeje kuba byinshi, ibicumuro byacu birarundanyijwe bigeze mu ijuru. Ezira ararira maze imbaga y’abagabo n’abagore itaranira aho yari ari bararira. Nuko umwe mubisraeli aterura ijambo ati ; ni ukuri koko twacumuye ku Mana yacu twivanga n’abanyamahanga ariko nubwo bimeze bityo turacyafite icyizere. Reka dusezerere abagore bacu, twitandukanye naba banyamahanga maze twumvire Uwiteka kandi byose tuzabikora dukurikije amategeko yacu.
Icyampa uyu munsi dusehegeshwa n’uruvange twijyanyemo n’abanyamahanga maze tugafata ingamba zo gutandukana nabo. Bana ba Data, erega ntiturwana n’abafite umubiri n’amaraso ahubwo n’imyuka mibi.
Maguruyasarwaya mugitekerezo cye, intsibika ziramubwira ziti : « tuzagutegera k’umugore mwiza, tuzagutegera kunkoni nziza, tuzagutegera kugaseke keza ?... ».
« Itorero ry’Imana ni Itorero rirwanasi Itorero ryanesheje kandi si ijuru. Itorero rigizwe n’abagabo n’abagore bashobora kwibeshya, badashyitse nabo ni abigishwa mu ishuri ryaKristobagomba gutozwa, kumeneyrezwa ikinyabupfura no kurerwa neza muri ubu bugingo no kubwo ahazaza burimo kudapfa iteka ryose »E.W, Ibyaduka byo muminsi y’imperuka p.64
Niba harigeze kubaho igihe gutekereza byimbitse byari bikwiye buriwese mukubaha Imana, icyo gihe ni iki, ari nacyo gihe kwera kwa buri wese kugiti cye ari ingenzi.Hakagombye kwibazwa ngo :
-
Ndi igiki ? ndi ubwoko w’Imana cyangwa ni umunyamahanga ?Inshingano yanjye n’umurimo wanjye, ni ibihe ?
-
Mbese ndi gukorana nande ?ni Kristo ? cyangwa umwanzi ?
-
« Mbese aho murusengero rwo mumutima rwejejweho imyanda yarwa ? Mbese ibyaha byanjye byaratuwe ? Mbese narabyihannye imbere y’Imana kugirango bihanagurwe ? »E.W, Ibyaduka byo muminsi y’imperuka p.76
-
« Dukeneye cyane gushishikarizwa no kubiba intekerezo zera, zitagira inenge, gukomeza intege z’ubwenge zigasimbura intege nke za kamere. Imana idufasha gukanguka tukareka ipfa ry’imibiri yacu »E.W, Idem P.74
Uwiteka aravuga ati : « Nimuze tujye inama, naho ibyaha byanyu byatukura tukutuku ndabyeza bise na sherege, …. »
Ahari twaba twarivanze n’andi mahanga, tukifatanya nayo ariko uyu munsi, reka tugarukire Imana yacu. Imana idufashe kuba muruhande rwayo, gukorana nayo kugirango dubashe kwitandukanya n’andi mahanga kuko ariwo mugambi wayo, mu izina rya Yesu. AMEN
Théophile NIYITEGEKA